សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី នៃព្ររាជាណាចក្រកម្ពុជា សង្ឃឹមថា ការចរចារវាងភាគីពាក់ព័ន្ធក្នុងសង្គ្រាមរវាងរុស្ស៊ី និងអ៊ុយក្រែន នឹងឈានដល់ដំណោះស្រាយ រហូតដល់បញ្ចប់សង្គ្រាមបានឆាប់ ដែលជំហររបស់សម្ដេចតេជោកន្លងមកតែងតែលើកឡើថា មានតែការចរចាតែប៉ុណ្ណោះទើបអាចបញ្ចប់សង្គ្រាមបាន មិនអាចយកសង្គ្រាមមកបញ្ចប់សង្គ្រាមបានទេ។
នេះបើតាមការឱ្យដឹងរបស់អ្នកនាំពាក្យ បន្ទាប់ពីសម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី នៃព្ររាជាណាចក្រកម្ពុជា អនុញ្ញាតឱ្យឯកឧត្តម Anatoly Borovik ឯកអគ្គរដ្ឋទូតរុស្ស៊ី ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ នាព្រឹកថ្ងៃទី១៣ ខែមីនា ឆ្នាំ២០២៥ នៅវិមានព្រឹទ្ធសភា។